الواحد من كتر ما بيشوف مسلسلات اجنبية واكشن وخيال علمى بقى موش قادر يستوعب الحقيقة والواقع لما يخبط فيهم ، فيه بعض المسلسلات كده محتواها كله طبى عبارة عن حالات حرجة وحوادث وموتى وتشريح واكتشاف جرايم وحاجات شبه كده بتخليك حاسس انك لازم تعقم ايديك وتشترك معاهم فى انجاز المهمة
طبعا ده بسبب الآداء التمثيلى المبهر وكانهم بالفعل اطباء، ومرضى وخلافه، وده بيخلى الاندماج شديد لدرجة التصديق ، ويمكن ده برضه بيسبب أسوأ انواع الاحباط لما بنصطدم بالواقع ونضطر ندخل مشفى وعيوننا ترصد كل شىء وتقارنه باللى متوقعاه ، اقصد بالخيال اللى عاشته فى المسلسلات
انا اعلم جيدا ان البناء والتشييد على قدم وساق فى بلدنا من بعد احداث يناير ٢٠١١، وان البلد كانت مهترئة وخربة بالفعل ، وان هناك مشاريع قومية تقام ولاتزال وكل يوم تقدر تشوف مصر بحال غير الحال
لكن علشان احنا كتير موش قادرين ولا بنلحق نتمتع بالانجازات ، وموش قادرين نعتبرها مكتسبات ، احنا موش بنلحق نحافظ على حاجة لان الحال يتطلب بناءاً متسارع
وعلى جانب البناء الصحى ، فلدينا منشآت جديده بالفعل ، أقيمت بشكل متحضر يليق بالمواطن وبمن يعملون ولكن ماذا عن القديم. المتهالك؟ هل هناك خطط اخلاء وازالة مثلا ام سيتركون هذه المبانى الضخمة يتجول فيها الخراب؟
هل يعقل فى وضح النهار ان يغلق باب مركز صحى ابوابه فى وجه الجمهور ويقول شطبنا وفوا علينا بكره؟؟هل يعقل ان تشع اللافتات والاعمدة انواراً وتكون لافتة المستشفى الكبير مظلمة ومدخلها واسوارها مما يعكس ان هذا المكان مهجوراً؟
اضع تساؤلى هذا امام مسئولى وزارة الصحة وامام رئيس الحى وامام محافظ القاهرة : ماهذه الحالة الرثة التى عليها المركز الطبى بالتجمع الاول ؟وكذا مستشفى القاهرة الجديدة بالتجمع الثالث، الا يوجد بند يُخصص فى الميزانية لتطوير هذه المشافى ؟
كيف ستقدمون فيها خدمات طبية على هذا الحال، كيف يمكن ان تنضم لمنظومة التأمين الصحى الذى تحدثوننا عنه ؟الاماكن نفسها تحتاج (لل- ان -عاش)، وعفوا ايها الخيال فانا اصف الواقع