في حضرة القلب

نبذة عن الكتاب

إلى القارئ.. الكتاب ده عبارة عن١٠٠ سؤال… أسئلة بتدور في عقل وقلب كل راجل ست، فيه اللي بنقدر نقوله ونعبر عنه، وفيه اللي بيعدي جوانا كهمسة خافتة، ومش بنلاقي له كلام. يمكن تلاقي نفسك بين السطور. يمكن سؤال منهم يلمس حاجة جواكي. أو يفتح لك باب تفكري منه بشكل مختلف. الكتاب ده مش علشان يدي إجابات… قد ما هو مساحة آمنة تسمعي فيها صوتك الحقيقي. إيه المتوقع تلاقيه في الكتاب ده؟ الكتاب ده مش بيقدم قواعد ثابتة، ولا حلول جاهزة، ولا إجابات نهائية لكل الأسئلة. هو أقرب لمرآة… هتلاقي فيها حوارات بسيطة بين اتنين ستات، لكن وراها أسئلة أعمق عن العلاقات، عن الذات، عن الخوف، عن الحب، عن الاختيارات اللي بنعملها كل يوم وإحنا مش دايمًا فاهمين ليه اخترناها. هتلاقي لحظات فيها خفة، ولحظات فيها عمق، ولحظات ممكن توقفك عند نفسك وتخليك تسأل: “أنا حقيقي حاسة بإيه؟” “وأنا عايشة الحياة دي بالشكل ده ليه؟” “وإيه اللي ممكن يتغير لو بصّيت لنفسي بشكل أهدى وأرحم؟” الكتاب ده دعوة للتأمل… مش للحكم. ودعوة للوعي… مش للتصحيح القاسي. يمكن تلاقي فيه نفسك في حتة، أو تلاقي سؤال كان جواك من زمان وملقاش مساحة يتقال فيها.